الجنرال شبرا : بحلم بالارتقاء بشكل المهرجان الشعبى لمستوى الموسيقى العالمية
 
 

 

 

 
 
  • حسام حسن يشكو سوء الاداء التحكيمى فى مباراة اتحاد العاصمة
  • المصرى يفوز على اتحاد العاصمة بهدف وادى فى ذهاب دور الثمانية للكونفدرالية
  • باهى يتفقد الاستعدات النهائية بالمدرسة اليابانية لاستقبال العام الدراسى الجديد
  • لاعبو المصرى يتعهدون لحسام ..اتحاد العاصمة لن يفلت منا ببورسعيد
  • اليوم .. الاجتماع التنسيقي لمباراة المصري واتحاد العاصمة
  • موانئ بورسعيد تستقبل 10 سفن حاويات وبضائع عامة
  • اليوم. .افتتاح معرض مدارس بورسعيد " يالا نذاكر " لمدة شهر
  • جمع المشردين من شوارع بورسعيد وايداعهم جمعية رعاية بالشرقية
  • غدا .. إفتتاح بطولة دورى الشركات الـ 51 ببورسعيد
  • كابسي يرفض دور الكومبارس و ينسحب من كاس بورسعيد
 
 
استطلاع الرأي
   
 
 
معرض الصور
   
 

مواقيت الصلاة
   
 

جديد الفيديوهات
 









 
 
حالة الطقس
   
 
مواقع تهمك
   
 

الجنرال شبرا : بحلم بالارتقاء بشكل المهرجان الشعبى لمستوى الموسيقى العالمية



كتب : شيماء يوسف شحاتة
بتاريخ : 2014-08-22
الساعة : 10:13:56 ص
 

 فنان شاب ... من مواليد أرض الجنينة بالزاوية الحمراء ... شارك فى العديد من المسلسلات ومنها : " البلطجى " و " الداعية " ... تألق هذا العام فى شهر رمضان الكريم فى مسلسل " شمس " الذى يعتبره مرحلة جديدة فى حياته وأضافة كبيرة لكونه مع الفنانة الكبيرة ليلى علوى ومع المخرج الكبير خالد الحجر ... يحلم بالأرتقاء بشكل المهرجان الشعبى ليصبح موسيقى عالمية . أنه الفنان الشاب ومطرب المهرجانات " الجنرال شبرا " .. وفى حوار خاص ل " الصقر " سألناه ،

 

 كلمنا عن بدايتك فى التمثيل ؟

 

 البدايه كانت في مسلسل البلطجي عن طريق الأستاذ تامر جوزيف مدير تصوير المسلسل اللى كانت بتربطنى علاقة عمل وهو اللى رشحني للمخرج خالد الحجر و كان مسلس البلطجى وش الخير عليا وتوالت الأعمال بعده .

 

 أزاى كانت بدايتك فى مجال غناء المهرجانات ؟

 

 أنا معايا باند أسمه عالم المهرجانات فيه ناس بتكتب وناس بتوزع وكنت شغال من زمان ميك مان في الأفراح في منطقة الزاويه الحمراء في أرض الجنينه ، وأول مهرجان نزل كان أسمه مهرحان السلام وكان بيغنيه الفنان علاء فيفتي وكان من توزيع أحمد فيجو ودول أول ناس عملت حاجه أسمها المهرجان فى حين أنى وقتها كنت بسمع دايما هيب هوب وراب ، ولما فكرت أدخل الموضوع كان في توقيت ناس كتير دخلت معايا فيه ، وكان كل تفكيري أنا والباند وقتها أننا نقدم رساله لأى طبقه تسمعه يكون فيه كلام هادف وأيجابي ، وبالفعل دخلت المجال ده والحمد لله قدرت أقدم حاجه بشكل محترم وأوصل رسالة عجبت ناس كتير .

 

ما هى أعمالك السابقة قبل مسلسل شمس ؟

 

 أول عمل كان مهرجان العزبه في مسلسل البلطجي ثم مهرجان النونو في مسلسل الداعيه وهو كان ميكس بيني و بين أصحابي علاء فيفتي و سادات بس للأسف الأغنيه لم تأخذ حقها في التصوير ودي حاجه زعلتنا جدا .

 

كلمنا عن تجربتك فى مسلسل شمس وعرضه شهر رمضان الكريم ؟

 

مسلسل شمس بيمثل مرحله جديدة في حياتي وهو أضافة كبيرة ليا وخصوصا أنه مع نجمة كبيرة زى الفنانة ليلى علوى ، رشحنى للدور المخرج خالد الحجر وبعدها عرفنى بالممثل الشاب طارق الابياري و كان في معرفة بيني وبين الفنان علي الخميسي والفنان عزمي داود وبقينا نعد مع بعد علي طول اللى حابب أقدم الشكر ليهم .

 

ما رأيك فى ردود أفعال الجمهور بعد عرض مسلسل شمس ؟

 

الحمد لله الناس عجبها دورى في مسلسل شمس وأنا مبسوط جدا بالدور ده وأحب أوجه الشكر لأستاذ خالد الحجر لأنه دايما بيشجع كل حد عنده موهبه وبيساعد الشباب وانا مبسوط لأني قدرت أقدم حاجه بشكل محترم .

 

 بتفكر أزاى فى المرحلة القادمة ليك كممثل ؟

 

بفكر الفترة الجايه أنى أقدم أعمال محترمه وهادفة تقدم النصح الشباب وتفجر الطاقه الأيجابيه داخلهم زي ما قدمنا في الأغاني اللى أتعملت قبل كده ، وأنى أرتقى بشكل المهرجان الشعبى ليصبح موسيقى عالمية مثل الريجي مارى والهيب هوب ليصل إلى جميع أنحاء العالم .

 

 أيه الجديد الفترة القادمة ؟

 

داخل مسرحيه من بطوله الفنان طلعت زكريا و الفنان إدوارد والممثل طارق الأبياري ، ودورى فيها هيكون مغني مهرجانات وده هيبقى أول مايك مان مهرجانات في مصر يقدم نوع المهرجان علي خشبه المسرح .

 

بتحلم بأيه الفترة الجاية ؟

 

 أنا دايما بحلم أنى واقف علي أستيدج حفله في أوروبا وفعلا جالى الحفله و مسافر قريب أقدم مزيكا المهرجان ، وعلى المستوى الشخصى نفسي أعيش مرتاح وأسعد أهلى وكل الناس الي وقفت بجانبى .


   

 
   


 
   

 
 
 
 
 
 
جميع الحقوق محفوظة لبوابة الصقر - تصميم و تطوير